Зун, намар, өвлийн улирал таг байсан Дарханы гишүүд хавар сонгуультай зэрэгцээд замаа засах гэж хөдөлж эхлэв. Дарханаас сонгогдсон Д.Хаянхярваа гишүүн аймшигт замаа хурдхан ашиглалтад оруулахын оронд уураг идсэн зургаа жиргээд сууж байна. Түүний жиргээний доор идэж уухын оронд ажлаа явуулаач ээ. Дарханы зам дээр ажиллаж буй компаниудтай хамт очиж уулзъя гэж бичсэн жиргээний хариуд "Өнөөдөр уураг гэдэг идээг хойч үеийн хүүхдүүд бараг л мэдэхгүй болоод байгаа. Тийм учир ийм зураг оруулсан. Яг одоо бол ордонд бүлгийн хуралд сууж байна. Сая нэг аяга цай л уулаа” хэмээн жиргэв.

Дарханы замыг барьж буй компаниудтай очиж уулзъя. Ажлын явцыг шалгая гэж бичсэнийг Д.Хаянхярваа гишүүн ойлголгүй хоол ундны хэрүүл хийж байх гэж. Уураг мэдэхгүй, идэж үзээгүй монгол хүн ч гэж юу байхав. Харин урин дулааны цагт аюулгүй замаар зорчих хүсэлтэй Монголчууд олон байна даа Д.Хаянхярваа гишүүнээ…

http://seruuleg.mn/

Зам тээвэр хөгжлийн сайд Б.Энх-Амгалан Улаанбаатар-Дархан чиглэлийн замыг анхнаасаа ашиглалтад оруулах сонирхолтой байсан эсэх нь олны анхаарлыг татаж байна. Учир нь тэрбээр энэ замыг хааж, чиглэлийг нь өөрчлөх тухай тушаалдаа ашиглалтад оруулах хугацааг нь огт заагаагүй байжээ. Энэ нь нэг талаар товлосон хугацаагүйгээр хэдэн ч төгрөгийн төсөв шаардагдаж мэдэхээр  ажлыг эхлүүлсэн гэсэн үг. Тухайн үед буюу 2019 оны зургаадугаар сард энэ оны 11 дүгээр сард ашиглалтад оруулна гэж байсан ч иргэдийг бас л "мурьсан”. Ёстой л "хамрын дор хагархай” гэсэн шиг бурсан. Энэ талаар Дарханы замд хохирсон иргэдтэй хамтарч хохирлоо барагдуулахаар болсон иргэн А.Цэрэнбат дэлгэж байна.

Зам тээврийн хөгжлийн сайд Б.Энх-Амгалангийн хувьд ажлыг тодорхой хугацаагүйгээр гүйцэтгэж болохгүйг маш сайн мэдэх хэмжээний бизнесмэн. Гэвч төрийн ажилд хүнийрхүү сэтгэлээр хандсанаас болж өнөөдөр иргэд л хохирч байна. Дарханы замыг хуулж хаяснаас хойш Тээврийн цагдаагийн албанд бүртгэгдсэнээр бол 16 иргэн амиа алджээ. Мэдээж автомашины эвдрэл гэмтэлтэй холбоотой нь үүнээс хэд дахин их байгаа гэсэн үг. Иргэн А.Цэрэнбаттай хамт гомдол мэдүүлэх 200 гаруй хүний ихэнх нь 500 мянгаас 40 сая төгрөгийн хохирол амссан аж.

Иргэдийн энэ хохирлыг хуулиар төрийн захиргааны төв байгууллага Засгийн газар, Зам тээврийн хөгжлийн яам хариуцах ёстой. Гэтэл нөгөө талаар хуулийн байгууллагын өмнө очвол замын ажлыг дуусгах хугацааг тодорхой заагаагүй гэдэг шалтаг тоочих гэж байгаа юм биз гэх хардлагыг ч төрүүлж байгаа юм.

Дарханы замыг Азийн хөгжлийн банкны 192 сая ам.долларын хөрөнгөөр, таван багц болгон хэрэгжүүлэхэд БНХАУ-ын дөрвөн аж ахуйн нэгж ялалт байгуулан ажлаа эхлүүлсэн. Гэхдээ туслан гүйцэтгэгч нар монголчууд. Гэтэл тэдгээр Монголын аж ахуйн нэгжүүд болон тэнд ажиллагсад цалин хөлсөө авч чадахгүй, ам нээе гэвч удахгүй эхлэх ажлаа бодоод чимээгүйхэн өдөр хоногийг өнгөрөөж байна.

Зарим инженер нь "Түр зам гэдэг мөнгө угаасан луйврын хэрэг болчихлоо. Хуучин замыг нь байлгаж байгаад шинэ замаа тавих байсан юм. Шинэ нисэхийн замын технолгиор хийх боломжтой байсныг хуулж, хаяад, мөнгө угаах хэрэгсэл болгочихлдоо. Одоо зам барьж байгаа технологийг нь харахад 3-4 жилийн дараа дахиад л асуудал үүсгэнэ. Анх төв замыг хуулж байхад үгээ хэлээгүйдээ харамсаж байна.” хэмээн ярьжээ.

Угаас Авто замын тухай хуулийн 10 дугаар бүлэгт "Авто замын тухай хууль тогтоомжийг зөрчсөний улмаас бусдад учруулсан хохирлыг холбогдох хууль тогтоомжид заасны дагуу эрх бүхий байгууллага, албан тушаалтнаар гэм буруутай этгээдээр нөхөн төлүүлнэ гэж байдаг. Тиймээс одоо баримт, нотолгоо нь бэлэн болчихсон 200 гаруй иргэн энэ долоо хоногт Захиргааны хэргийн шүүхэд эхний нэхэмжлэлээ өгөхөөр боллоо.

Д.Түмэнжаргал

http://ask.mn/

Ямартай ч ямар ч хохирогчгүй, үйлдэлгүй 60 тэрбумын хэрэг анхнаасаа улстөрийн захиалгатай байсан гэдгийг Баянгол дүүргийн Эрүүгийн хэргийн Анхан шатны шүүх нотолж Ц.Сандуй, А.Ганбаатар нарт 4 жилийн хорих ял ногдуулсан. Харин Нийслэлийн Давж заалдах шатны шүүх дээрх ялыг үгүйсгэж тэдэнд ногдуулсан ялыг хүчингүй болгосноор хэрэг дахин мөрдөн байцалтад буцсан юм.

Ц.Сандуй, А.Ганбаатар нарт ногдуулсан ялыг хүчингүй болгосон шалтгаан нь хэргийн гол оролцогч буюу 60 тэрбумын автор Г.Доржзодовыг энэ хэрэгт холбогдуулан шалгалгүй анхан шатны шүүх хуралд гэрчээр оролцуулсан нь үндэслэлгүй байна гэж үзсэн гэсэн үг.

Өөрөөр хэлбэл, "Эрүүгийн хэрэг хянан шийдвэрлэх тухай хуулийн 16.2 дугаар зүйлийн 1 дэх хэсгийн 1.3 дахь заалтад зааснаар "Гэмт хэргийн сэдэлт, зорилгыг бүрэн гүйцэд шалгаж тогтоогоогүй”, анхан шатны шүүх хуралдаанд гэрчээр оролцсон Г.Доржзодовын үйлдэл, оролцоонд гэмт хэргийн шинж байгаа эсэх, мөн хамтран ажилласан эсэхийг тус тус шалгах, прокуророос Г.Доржзодовт холбогдуулан эрүүгийн хэрэг үүсгэхээс татгалзсан асуудлыг шүүх эцэслэн шийдвэрлэх нь зүйтэй” гэж давж заалдах шатны шүүхийн шүүх бүрэлдэхүүн үзсэн юм.

Юутай ч Ц.Сандуй, А.Ганбаатар нарт холбогдох хэрэг прокурорын мэдэлд дахин ирсэн учраас 60 тэрбумын автор Г.Доржзодовыг нэр бүхий хоёр хүнтэй адилхан цагдан хорьж ээдрээтэй, төвөгтэй гээд байгаа энэхүү хэргийг нэг мөр мухаралтал түүнийг ч бас саатуулан шалгах ёстой.
Үнэндээ Ц.Сандуй, А.Ганбаатар нар мөнгө олох гэсэн сувдаг сэтгэлтний зохиосон схемийг сонссоныхоо төлөө буруудаж, улстөрийн захиалгаар хэлмэгдүүлэлтэд өртөх гээд байгаа учраас Нийслэлийн Давж заалдах шатны шүүх дээрх ялыг хүчингүй болгож хуулийн хүрээнд ажилласан хэрэг.

Түүнчлэн тус хэрэг дээр ажилласан тагнуулынхан, прокурорынхон, шүүхийнхэн гээд бүгд айдас хүйдэст автаж цаг хугацааны дараа С.Зориг агсны хэрэг дээр ажилласан хуулийнхан шиг хэрэгт татагдаж толгой дээгүүрээ дээлээ нөмрөх вий гэх айдастай буй учраас хаана хаанаа хүний эрхийг дордуулахгүй улстөрийн захиалгаар бусдыг яллаж болохгүй хэмээн Ц.Сандуй, А.Ганбаатар нарын асуудлыг удаашруулж ээдрээтэй, төвөгтэй хэрэг хэмээн шалтгаанаа тайлбарлаж буй юм.
Үнэндээ 60 тэрбумын автор Г.Доржзодовыг өнөөг хүртэл тус хэрэгт татан шалгахгүй байгаа нь улстөрийн захиалгатай хэрэг гэдгийг нотолж өөрөөр нь улстөр хийж өндөрлөгт хүрсэн хүмүүсийн булхайг тэрбээр дэлгэх учраас ийнхүү ээдрээтэй, төвөгтэй хэрэг хэмээн нэрийдсэн хэрэг. Тиймдээ ч хэсэг бүлэг этгээдүүд захиалга өгч Ц.Сандуй, А.Ганбаатар нарын таслан сэргийлэх арга хэмжээг хэвээр үлдээсэн гэж хардахад хүргэж байна.

Тиймээс Ерөнхий прокурор Б.Жаргалсайхаан, 60 тэрбумын схемийг зохиогч, санаачлагч Г.Доржзодовыг хэзээ цагдан хорьж Ц.Сандуй, А.Ганбаатар нар шиг шалгах вэ.

Эх сурвалж: Erennews.mn 

Р.САРУУЛ

Монголын баялагийг хувьдаа цөлмөсөн 30 гэр бүлийн тэргүүнд "МСS”-ийн Ж.Оджаргал, "Гачуурт”-ын Л.Чинбат, "МАК”-ын Нямтайшир нар бичигддэг талаар хэвлэл мэдээллээр хангалттай цацагдсан. Тэгвэл уул уурхайн лицензүүдийг хамсан гэх эдгээр гэр бүлийн эгнээнд нэгэн цагт "Мэхний их дэлгүүр” хэмээн нэрлэгдэж байсан Д.Кёкүшюүзан Батбаяр багтдаг болох нь ил боллоо. Тодруулбал, түүний эзэмшлийн "Чингис ворлд майнинг” ХХК нь уул уурхайн 60 гаруй ширхэг лиценз эзэмшдэг байна.

Д.Кёкүшюүзан Батбаярын мэдэлд байдаг "Чингис ворлд майнинг” ХХК гэнэт яагаад ийм их лицензтэй болов гэдэг асуудал анхаарал татаж байна. Ямартай ч дээрх мэдээллээс харахад Д.Кёкүшюүзан Батбаяр нь уул уурхайн салбарын хамаг л томоохон лицензүүдийг хууль зөрчин хувьдаа цуглуулсан байх магадлалтай байна.

http://seruuleg.mn/22101?fbclid=IwAR0VdMBEcUGKsD7YlRSbetSdFbeFBgBLBy4sFJkPw43tPFQzi7tdYpMFgVo

2000-2010 оны хооронд алтны үйлдвэрлэл эрчимтэй хөгжиж, жилийн олборлолт 24.1 тоннд хүрсэн. Социализмын үед илрүүлсэн ордуудыг ашиглахаас гадна шинэ ордыг нээн илрүүлэхэд компаниуд хөрөнгө оруулсны дүнд 110 гаруй тонн алтны шинэ ордыг илрүүлж, алтны хайгуульд зарцуулсан хөрөнгө оруулалтаар дэлхийд тэргүүлж байжээ.

Алт бол санхүүгийн ямар ч эрсдэлтэй үед үнээ барьж байдаг дэлхийд ганц бүтээгдэхүүн. Тийм ч учраас Монголын хувийн хэвшлийн компаниуд чадал боломжийн хэрээр алтны үйлдвэрлэл рүү хошуурч ирсэн гэхэд хилсдэхгүй. Гэвч ганц алт гэлтгүй уул уурхайн салбарын хөгжил цэцэглэлтийг даган нийгэмд гарч ирсэн сөрөг хандлагууд ч бий. Байгаль экологийн тэнцвэрийг алдагдуулж, хүн, малын ундны ус, хөрс, бэлчээрийг сүйтгэсэн, нинжа хэмээх хуулинд захирагддаггүй бүлэг, алтны бизнесийг дагасан улстөрчдийн шунал гээд. Ялангуяа алтны баялаг нөөцтэй Дархан-Уул аймгийн Шарын гол, Төв аймгийн Заамар, Баянхонгор аймгийн хэд хэдэн сумыг энд нэрлэж болно.

Сүүлийн үед Шарын голын алтны бичил уурхай тойрсон асуудал анхаарал татаж байна. Дархан-Уул аймгийн ИТХ оны өмнөхөн буюу 2019 оны арванхоёрдугаар сарын 2-ны өдрийн хуралдаанаараа Шарын гол сумын зургаан байршилд алтны бичил уурхайн эрх олгох асуудал хэлэлцэх гэж байснаа БОАЖЯ-наас ирсэн албан бичгийн дагуу эрх олгохыг хойшлуулсан ажээ. Бичил уурхайн эрх олгохыг эсэргүүцсэн Жамсрангийн Ганболд гэдэг залууг Дархан-Уул аймгийн Засаг дарга С.Насанбатыг гүтгэсэн гэсэн гомдлыг Тамгын газрын дарга Ч.Энхбат цагдаад өгчээ. Ж.Ганболд энэ тухайгаа олон нийтийн сүлжээгээр мэдээлэл хүргэсэн төдийгүй Дархан-Уул аймгийн MyDarkhan.mn сайтад дэлгэрэнгүй ярилцлага өгчээ.

Алтны олборлолтыг замбараагүй, хууль бусаар олон жил хийсний эцэст одоо Шарын гол, Хонгор сумын байгаль экологи сэргээгдэшгүйгээр сүйдэж, хүн, малын ундны ус баталгаагүй болж байгаа талаар нутгийн иргэд олон жил ярьж байгаа ч энэ талаар дуугарсан хүн ажил, амьдралгүй болдог учраас дуугарах хүн олдохоо больсон гэдгийг Ж.Ганболд хэлсэн байна.

Дархан-Уул аймгийг МАН дангаар засаглаад удаж байна. Одоогийн УИХ-ын гишүүн Б.Хаянхярваа 2000-2008 он хүртэл тус аймгийн Засаг дарга, Б.Хаянхярваагийн залгамжийг С.Насанбат 2008 онд аваад өнөөг хүртэл засаглаж байна. Ж.Ганболдын хэлснээр аймгийн ИТХ-аар алтны бичил уурхайн эрх олгох асуудал нь хэлэлцэх асуудлын жагсаалтад гэнэт орж ирсэн бөгөөд хэн энэ асуудлыг оруулсан талаар лавлахад Засаг дарга С.Насанбат холбогдох газар нь дэмжиж оруулж ирсэн гэсэн тайлбар өгсөн байна. Холбогдох газар гэдэг нь аймгийн Байгаль орчны газар, Нийгмийн бодлогын хэлтэс, Нийгмийн хөгжлийн хэлтэс боловч эдгээр газар хэлтсийн дарга нар нь үүнийг Засаг даргынхаа тайлбарыг үгүйсгэдэг байна.

"С.Насанбат дарга 2008 онд Дархан-Уул аймагт гарч ирсэн хүн, тэрнээс хойш Шарын голын алтны асуудалтай нэр холбогдсон. 2007 онд Шарын гол компанийн гүйцэтгэх захирлаар томилогдож ирсэн. 2008 онд аймгийн МАН-ын дарга болж огцом улс төрд орж ирсэн. Түүнээс хойш алтны асуудалд мөнхийн нэр холбоотой. Алтны бичил уурхайн асуудалд Шарын гол сумын Засаг дарга Б.Амарсанаа, Дархан-Уул аймгийн Засаг дарга С.Насанбат болон тэдгээрийн ойрын хүмүүс холбоотой” хэмээн хэлжээ.

Хамгийн ноцтой нь эрх мэдэл бүхий хүмүүс нь эхлээд хууль бусаар, нууцаар ухуулчихаад дараа нь нөхөн сэргээлт хийх нэрээр нинжа нарыг оруулдаг сүлжээ үүссэн гэдгийг Ж.Ганболд хэлсэн байна.

"Шарын гол, Дарханыг тойрсон байгаль орчны гэмт хэргийг үе үеийн Засаг дарга Б.Хаянхярваа, С.Насанбат яагаад таслан зогсоодоггүй юм, ингэж үл хайхарч байгаа нь гэмт хэрэг” гэж үзэж байгаагаа тэр хэлжээ.

2007 оны үед Шарын голын уурхайн эзэмшил газарт алтны судал илэрч, тухайн үеийн захирлууд нь ашиглалтын тусгай зөвшөөрөлгүйгээр нууцаар ухаж байсан нь илэрч хэрэгт татагдаж байжээ. "Өмнө ухсан хүмүүс нь хэрэгт орсон байхад С.Насанбат, Д.Амарсанаа нар яаж, ямар ч саадгүйгээр ухчихсан нь сонирхолтой.

Энд Д.Хаянхярваа гэж хүн оролцсон байх магадлалтай. Тэдний энэ хоршил С.Насанбатыг Шарын гол сумын МАН-ын дарга, Д.Амарсанааг мөн тус сумын намын дэд дарга болгон үргэлжилсээр 2012 онтой золгосон. С.Насанбат сонгуулийн өмнөхөн Дархан-Уул аймгийн МАН-д их мөнгө "үнэрдүүлж” орж ирээд, за даа, шуудхан шулуухан хэлэхэд энэ намыг худалдаад авчихсан гэдэг. Дараа нь С.Насанбат аймгийн МАН-ын дарга, Д.Амарсанаа Шарын голын сумын МАН-ын дарга болж, УИХ-д нэр дэвших эсэх нь ч эргэлзээтэй байсан Д.Хаянхярваа тэдэнтэй нэг тойрогт, нэг баг болон УИХ-ын сонгуульд нэр дэвшиж ялсан.

Одоо хэн нь ямар албан тушаалд очиж, эрх мэдлийг хэрхэн атгаж байгааг та бүхэн сайн мэднэ. Үүний цаана өнөө Шарын голын уурхайн газраас олсон их хэмжээний алтны нөлөө байсан гэж олон хүн харддаг. 2012 оны улс төрийн сонгуульд С.Насанбатаар ахлуулсан МАН ялалт байгуулж, тэдний бүх санаархал хэрэгжих нөхцөл бүрдсэн. Ингэж эрх мэдлийг атгасан тэд одоо болж буй энэ бүх үйл явдал, эрх мэдэл, албан тушаалын орооцолдоонд хамааралтай байж, энэ бүхнийг бүр эхнээсээ бодож төлөвлөсөн байх магадлалтай” хэмээн MyDarkhan.mn сайтад 2020 оны хоёрдугаар сарын 3-нд өгсөн ярилцлагадаа Ж.Ганболд хэлжээ.

Бичил уурхайн эрх олгохоор яригдаж байгаа зургаан газрыг аль хэдийнэ ухаад эхэлчихсэнийг Дархан-Уул аймгийн МАН-ын дэд дарга асан, аймгийн ИТХ-ын тэргүүлэгч Б.Батболд хэвлэлд өгсөн ярилцлагадаа нотолсон байна. "Энэ асуудлыг аймгийн Иргэдийн хурлын тэргүүлэгчид хэлэлцээд, аль эрт хурлын хуралдаанд оруулахгүй гэсэн байсан юм. Олон удаа хойшлуулсан юм шүү. Оны өмнөхөн болсон тэр төсөв хэлэлцсэн хуралдаанд ч оруулах гэхэд нь хэлэлцэх асуудлаас бүр хасуулсан.

Тэнд яг ямар асуудал байна гэхээр, орон нутгийн иргэдийн хурлын хуралдаанаар асуудлыг хэлэлцүүлж, тэр координат бүхий газруудад бичил уурхай эрхлэх зөвшөөрөл авах гээд байгаа юм. Гэтэл Шарын голд энэ газруудыг аль эрт, зунжин ухчихсан. Яг тэр цэгүүд дээрээ. Энэ шударга уу. Аймгийн ИТХ нь зөвшөөрөөгүй, хэлэлцээ ч үгүй байхад. Гэтэл үүнийг нь Засаг дарга мэдээгүй мэт. Яагаад өөрийнх нь аймгийн газар нутагт хууль бусаар алт ухаад байхад чимээгүй байгаад байгаа юм. Яагаад зөвшөөрлийг нь хожуу авах гээд байхад үл мэдэгч болоод байгаа юм. Уг нь Засаг дарга хяналт тавьж, хариуцлага хүлээлгэх эрх, үүрэгтэй биз. Гэтэл үүргээ биелүүлэхгүй байна. Энэ асуудлаараа мань хүн огцрох ч эрсдэлтэй шүү” хэмээн MyDarkhan.mn сайтад 2020 оны нэгдүгээр сарын 24-нд өгсөн ярилцлагадаа Б.Батболд хэлжээ.

Засаг дарга С.Насанбатын тэгтлээ сонирхоод байгаа байршлуудад Ашигт малтмалын хэрэг эрхлэх газраас албан ёсны зөвшөөрөл өгөөгүй, ашиглаж болох юм гэсэн дүгнэлт гаргасан аж. "Ашиглаж болно. Зөвшөөрлөө” гэдэг чинь хоёр өөр асуудал. АМХЭГ-аас энэ газарт ямар нэгэн давхцал байхгүй, бичил уурхайгаар ашиглах боломжтой байна гэснийг нь зөвшөөрсөн мэт яриад байгаа. Тэгээд Иргэдийн хурлаараа дэмжүүлчихвэл АМГ-аас зөвшөөрөл авчихна гэж тооцоод аль эрт ажлаа эхэлчихсэн. Ийм л юм болоод байгаа” хэмээн Б.Батболд хэлсэн байна.

Монгол Улсын Засгийн газрын 2017 оны 151-р тогтоолоор  "Бичил уурхайгаар ашигт малтмал олборлох журам”-ыг баталсан. Харамсалтай нь өнөөдөр энэ журам Дархан-Уул аймагт бүтнээрээ зөрчигдөж, байгалийн баялаг болох их хэмжээний алт хаашаа орсон нь мэдэгдэхгүй алга болж, их хэмжээний газар ухсан нүх болон онгойж үлдэв. Энэ асуудалд Дархан-Уул аймгийн иргэд Засаг дарга С.Насанбатыг буруутгаж байгаа  бөгөөд уг хэргийг Дархан-Уул аймгийн цагдаагийн газар шалгаж эхэлжээ. Тус аймгийн Цагдаагийн газрын Мөрдөн байцаах тасгийн дарга Цагдаагийн хошууч Г.Хатанзоригт  Ашигт малтмал, газрын тосны газрын Кадастрын хэлтсийн дарга Д.Дашзэвэгт өнгөрсөн 9 сард  албан бичиг ирүүлсэн байна. Энэ албан бичигт "Дархан-Уул аймгийн нутаг дэвсгэр дээр бичил уурхайн зориулалтаар ашиглахаар дүгнэлт гаргуулсан газруудын судалгааг гаргаж ирүүлнэ үү” гэжээ.  Дээрх хүсэлтийн дагуу Ашигт малтмал, газрын тосны газраас лавлагаа гаргаж өгсөн бөгөөд  хамгийн сонирхолтой нь Дархан-Уул аймагт  хууль бусаар ашигласан дээрх газруудад ямар ч дүгнэлт гараагүй байна. Тэр ч бүү хэл  2018 оны 3 дугаар сарын 20-ноос хойш Дархан-Уул аймагт  ямар ч бичил уурхайн дүгнэлт гаргаагүй гэдэг нь тодорхой байх юм.

Ер нь Дархан-Уул аймагт ямар ч зөвшөөрөлгүй алт олборлодог, түүнийг худалдан борлуулдаг нууц сүлжээ хүртэл бий болж, энэ сүлжээний үйл ажиллагааг аймаг сумын удирдлагууд нь далдуур өөгшүүлдэг, хариуцлага тооцдоггүй байдал газар авч эхэлжээ. Тиймээс Дархан-Уул аймгийн ИТХ-ын нэр бүхий гишүүд  Шарын гол,  Хонгор  сумын нутаг дэсгэрт хууль зөрчин, дур зоргоороо алт олборлосон,  "Дархан хайрханы өсөх үр” , "Батхишиг арвижих”, "Өрнөх өсөх дэвжих”,  "Дархан хайрханы хөндий” , "Хайрхан алтан буудай”, "Шарын голын ах дүүс”, "Шарын гол Дэлгэрэх хайрхан” , "Тэмүүлэн үржих” зэрэг зохион байгуулалттай нөхөрлөлүүдийн үйл ажиллагааг зогсоож, хууль бусаар олсон орлогыг хураан, хариуцлага тооцуулах, тус сумдын Засаг дарга болон аймгийн Засаг дарга С.Насанбатыг Авлигатай тэмцэх газарт шалгуулахаар гомдол гаргаад байна.

ЭХ СУРВАЛЖ:SERUULEG.MN

Эрхэм гишүүн Б.Жавхлан тухайн үед энэхүү мэдээллийг үгүйсгэсэн бөгөөд "ЖДҮ зээл авсан "Пример инвестмент групп” компанитай ямар ч холбоо хамааралгүй” хэмээн мэдэгдэж байв.

Тэгвэл УИХ-ын гишүүн Б.Жавхлан ХХААХҮ-ийн сайд Б.Батзориг, ЖДҮХС-гийн захирал С.Төгсбилэг нарт нөлөөлөл үзүүлж байгаад дээрх хоёр компанид зээл олгуулсан гэх цоо шинэ баримтын мөрөөр хууль хяналтын байгууллага лавхан орж, энэ хэрэгт УИХ-ын гишүүн Б.Жавхланг холбогдуулан шалгаж эхэлжээ.

УИХ-ын гишүүн Б.Жавхлангийн нөлөөнд орсон гэх ЖДҮХС-гийн захирал С.Төгсбилэгийн тухайд 2018 оны нэгдүгээр сарын 11-ний өдрөөс ХХААХҮЯ-ны ЖДҮХС-гийн захирлаар томилогдсон бөгөөд түүнийг энэ ажилд УИХ-ын гишүүн Б.Жавхлан томилуулсан юм байна.

С.Төгсбилэг 2005-2007 онд АНУ-д сурч, ажиллаж байхдаа Б.Жавхлантай танилцжээ. Б.Жавхлан энэ үед АНУ-д Калифорнийн их сургуулийн Риверсайдын хэлний сургууль болон Индианагийн их сургууль суралцаж байжээ. Тэндхийн монголчуудын цуглааны үеэр нэр дурдагдаж буй хоёр эрхэм танилцсан бөгөөд тэд Монголд ирсэн хойноо ч тодорхой хэмжээгээр холбоотой явдаг болжээ.

Ингээд 2018 оны 11-р сард УИХ-ын гишүүн Б.Жавхлан С.Төгсбилэг рүү утсаар залгаж "…ХХААХҮЯ-наас ярьж магадгүй шүү” гэж хэлжээ.

Удалгүй ХХААХҮЯ-ны Төрийн нарийн бичгийн дарга Д.Энхбат С.Төгсбилэг рүү яриад анкет, материалыг нь авсан байгаа юм. Хэд хоногийн дараа "…АТГ-аас урьдчилсан мэдүүлэг хянуулах шаардлагатай. Тэндээс тэнцсэн хариу ирвэл томилогдох боломж гарч болохоор байна” гэсний дагуу ХХААХҮ-ийн сайд Б.Батзориг төд удалгүй тушаал гаргаж С.Төгсбилэгийг ЖДҮХС-гийн захирлаар томилсон байна.

Энэ бүхнээс харахад эрхэм гишүүн Б.Жавхлан ЖДҮХС-ын даргаар өөрийн хүнээ томилж байгаад "Жетте майнинг” ХХК-д 800 сая төгрөг, "Пример инвестмент групп” ХХК-д 900 сая төгрөг, нийтдээ 1 тэрбум 700 сая төгрөгийн зээлийг эрх мэдэл, албан тушаалын байдлаа урвуулж байгаад авч өгсөн болж таарч байна.

Х.Онон

P.ЭМҮЖИН