АНУ-ын дэд Ерөнхийлөгч Камала Харрис, Францын Ерөнхийлөгч Эммануэль Макрон нар Парист уулзах үеэрээ сансар судлал болон кибер аюулгүй байдлын салбарт хамтын ажиллагаагаа өргөжүүлэхээр тохиролцлоо гэж Цагаан ордны хэвлэлийн алба мэдээлжээ. "Дэд Ерөнхийлөгч Харрис, Ерөнхийлөгч Макрон нар сансар дахь иргэний болон арилжааны хамтын ажиллагаа, мөн сансар дахь үндэсний аюулгүй байдлын хамтын ажиллагааг эрчимжүүлэх зорилгоор АНУ, Францын хооронд иж бүрэн яриа хэлэлцээ эхлүүлэхээр тохиролцлоо" гэж уулзалтын дараа гаргасан мэдэгдэлд дурдсан байна.

 

Үүнээс гадна, Парис, Вашингтон дэлхийн уур амьсгалын өөрчлөлттэй тэмцэхтэй холбоотой сансрын хөтөлбөрүүдийн хүрээнд хамтын ажиллагаагаа өргөжүүлэхээр тохиролцжээ.

Харрис мөн "кибер аюулгүй байдлын салбарт олон улсын хамтын ажиллагааг хөгжүүлэх хүчин чармайлтыг дэмжинэ" гэж мэдэгдсэн байна. Тодруулбал, Вашингтон Францын "Кибер орон зайд итгэлцэл, аюулгүй байдлын төлөөх Парисын уриалга” санаачилгад нэгдэх шийдвэр гаргаснаа мэдэгджээ. Энэхүү санаачилгыг 2018 онд гаргасан боловч тухайн үед Ерөнхийлөгчөөр ажиллаж байсан Дональд Трамп уг баримт бичгийг төрийн түвшинд дэмжээгүй байна.

 

Санал болгох

• 

  Голомт банк Кибер аюулгүй байдлыг хангах Парисын уриалгад нэгдлээ

• 

  Монгол Улс, Америкийн Нэгдсэн Улсын харилцаа Стратегийн түншлэлийн түвшинд хүрснийг зарлалаа

• 

  Ерөнхийлөгч Х.Баттулгад АНУ-ын Ерөнхийлөгчийн Үндэсний аюулгүй байдлын зөвлөх Жон Болтон бараалхлаа

• 

  Франц, Орос хоёр улс терроризмын эсрэг хамтран ажиллана

• 

  МУ-ын ерөнхийлөгч Ц.Элбэгдорж, БНФУ-ын ерөнхийлөгч Франсуа Олланд нарын хамтарсан мэдэгдэл