"Хүн бүр өөрийн гэсэн түүхтэй" - Автобус доторх хүмүүсийн төрх Хятад гэрэл зурагчны дуранд...

Хүмүүсийг ажиглаж, амьдралыг эргэцүүлэх хамгийн тохиромжтой газар бол нийтийн тээвэр. Автобусан дахь хүмүүсийн зарим нь гүн бодолдоо автаж, зарим нь бусадтай халуун яриа өрнүүлж, зарим нь хайртай хүндээ эрхлэн явах ч хамгийн сонирхолтой нь тэд бүгд өөр өөрийн гэсэн түүхтэй, юуг үзэж туулж явааг хэн ч мэдэхгүйд оршдог. Яг энэхүү мэдрэмжийг Хятадын Хэнань мужийн Жэнжоу хотод амьдардаг гэрэл зурагчин Жан Жиа Ву буулгадаг байна.

Жан Жиа Вугийн бүхий л бүтээлүүд автобусны цонхоор харагдах хүмүүсийн төрхийг харуулсан байдаг. Түүний зургуудыг онцгой болгодог зүйл нь ганцхан агшинд гайхалтай сэтгэл хөдлөлийг багтааж чадсанд оршино. Өнгө будаг бус, дэвсгэр бус, дүрслэл бус гагцхүү тухайн агшин л түүний зургуудын гол санааг өгүүлэх ажээ.