Туркийн Ерөнхийлөгч Режеп Тайип Эрдоган Истанбул хотод цугласан олонд хандан үг хэлэхдээ, хэрвээ парламент болон олон нийт цаазын ялыг дэмжвэл би дэмжинэ хэмээн мэдэгджээ.Өнгөрсөн сард болсон цэргийн эргэлт хийх оролдлоготой холбоотойгоор Истанбул хотод наад зах нь сая гаруй хүн жагссан байна. АНУ-д байрлаж байгаа номлогч Фетхуллах Гюлений бүх дэмжигчдийг арчиж, Туркийг цэвэрлэх болно гэж тэрбээр мэдэгдсэн байна.Туркийн Засгийн газар Фетхуллах Гюленийг цэргийн эргэлт хийх оролдлогод буруутгаж байгаа боловч Фетхуллах Гюлен уг хэрэгт ямар ч оролцоогүй гэж эсэргүүцсэн байна. Туркийн сөрөг хүчний гурван намын удирдагчид болон шашны төлөөлөгчид энэ жагсаалд оролцжээ. Харин Курдын намын төлөөлөгчид уг жагсаалд оролцоогүй гэнэ.

Д.Од