Монгол Улсын Засгийн газраас дархлаажуулалтын 10 хоногийн аяныг энэ жил "Томуугаас сэргийлье” уриан дор энэ сарын 1-10-нд зохион байгуулж байгаа. Энэ хүрээнд ХӨСҮТ-ийн Томуугийн нэгжийн дарга А.Бурмаа "Амьсгалын замыг цочмог халдварт өвчин дэлхий дахин болон Монголд эмнэлэгт хэвтэлтийн ихэнхийг эзэлдэг. Томуу төст халдварын тархалт өмнөх долоо хоногоос бага зэрэг нэмэгдэж, амбулаторийн үзлэгийн 4.2 хувьд томуу, томуу төст өвчин эзэлж байна. Томуу төст халдвар авсан хүмүүсийн 70 гаруй хувь нь 4 хүртэлх насны хүүхэд байна. Хүн амын дунд томуугийн реновирусийн халдвар буюу ханиад шуухинаа түгээмэл байна.