Олон улсын олимпын хороо/ОУОХ/Токиогийн наадамд баг тамирчдаа илгээгүй тул БНАСАУ-ын Үндэсний олимпын хорооны эрхийг 2022 оны эцэс хүртэл түдгэлзүүлжээ. Ингэснээр БНАСАУ Бээжингийн өвлийн наадамд оролцох эрхгүй болж байна. Тус улс нь баг тамирчдаа "COVID-19” халдвараас хамгаалахын тулд Токиогийн наадамд оролцуулаагүй юм.

"БНАСАУ-ын Олимпын хороо эрхийг нь түдгэлзүүлсэн хугацаанд санхүүгийн тусламж хүлээн авахгүй” гэж ОУОХ-ны тэргүүн Томас Бах мэдэгджээ. Түүний мэдээлснээр, ОУОХ нь "Бээжин-2022” наадамд оролцох эрхтэй БНАСАУ-ын тамирчидтай холбоотой шийдвэр гаргах, тус улсын эрхийг түдгэлзүүлэх хугацааг эргэн харах эрхтэй ажээ. Үүнээс гадна Т.Бах Афганистаныг төлөөлөн Токиогийн Олимп, Паралимпын наадамд оролцсон олимпын тав, паралимын хоёр тамирчны хэн нь ч нутаг буцаагүй гэдгийг батлан мэдэгдсэн байна.

Санал болгох

• 

  Токиогийн олимпын тэмцээнүүдийг үзэгчгүйгээр зохион байгуулах боломжтой гэв

• 

  Олон улсын Олимпын хорооны гишүүн тасалбар дамлан худалджээ

• 

  2020 оны олимпийн наадамд шинээр спортын таван төрөл нэмэгдэв

• 

  Риогийн Олимпын хотхоныг албан ёсоор нээжээ

• 

  "Бээжин-2008"-аас медаль хүртсэн 23 тамирчин сэргээшийн шинжилгээнд унажээ