Хятадын төвийн нутаг дахь нэгэн бага сургуулийн бие засах газарт хоёр хүүхэд нас барж, 20 гаруй хүүхэд гэмтэж бэртсэн хэрэг гарсан байна.

Пуян хот дахь нэгэн сургуулийн өглөөний завсарлагааны цагаар хүүхдүүд 00-д орох гэж урт дараалал үүсгэсэн байх үедээ бусдыгаа түлхэн дарж унаснаас болж ийм явдал болсон  гэж хэвлэлүүдэд мэдээлж байна.

Хятадын нэгэн сонинд мэдээлснээр, хүүхдүүд хэт олноороо овоорсноос болж бие засах газрын хана нуржээ.

Гэмтсэн хүүхдүүдэд эмнэлгийн тусламж үзүүлсэн бөгөөд зарим хүүхдийн биеийн байдал хүнд байгаа ажээ.

Пуян хотын захиргаа уг хэрэг явдлыг шалтгааныг шалгаж байгаа бөгөөд илүү тодорхой мэдээлэл өгөхөөс татгалзлаа.

Уг золгүй явдал Хэнань мужийн Пуян хотын 3 дугаар бага сургуульд өнөөдөр өглөө болжээ. Өмнө нь үүнтэй төстэй хэрэг явдал болж байсан байна.

2014 онд Хятадын баруун өмнөд нутгийн нэгэн сургуулийн шатан дээр сурагчид овооролдсоны улмаас зургаан хүүхэд дарагдан нас барж, 25 хүүхэд гэмтэж байсан аж.

Х.Сарнай

Эх сурвалж: Монцамэ