|

Ерөнхийлөгчийн сонгуулийн сурталчилгаа өнөөдөр эхэлнэ

Ерөнхийлөгчийн сонгуулийн сурталчилгаа өнөөдөр эхэлнэ

Монгол Улсын Ерөнхийлөгчийн 2017 оны сонгууль энэ сарын 26-нд болно. Сонгуулийн тухай хуульд зааснаар Ерөнхийлөгчийн сонгуулийн сурталчилгаа өнөөдөр албан ёсоор эхэлнэ.

Харин сонгуулийн сурталчилгаа хуулийн дагуу энэ сарын 25-ны өдрийн 00:00 цагт дуусч, санал хураалт 24 цагийн дараа болох юм. Нэр дэвшигчид сонгуулийн сурталчилгааны хугацаанд аймаг, дүүргийн иргэдтэй уулзаж мөрийн хөтөлбөрөө танилцуулах учиртай.

Энэ удаагийн Ерөнхийлөгчийн сонгуульд МАН-аас УИХ-ын дарга, МАН-ын дарга М.Энхболд, АН-аас УИХ-ын гишүүн асан Х.Баттулга, МАХН-аас УИХ-ын гишүүн асан С.Ганбаатар нар нэр дэвшиж байгаа.