Дархан-Уул аймгийн засаг дарга гэгдэх А.Энхболдыг тойрсон асуудал дуусахгүй л байна. Хууль бусаар засаг даргын суудалд заларч үргэлж шахуу хэл ам дагуулсан тэрээр газрын гаршсан наймаачин болохыг бид өмнө нь мэдээлж байсан. Засаг даргад томилогдох өөрийн холбогдох материалдаа худлаа үнэн бичиг баримт бүрдүүлж төгсөөгүй сургуулиа төгссөн болгож будлиантуулсан эрхэм газрын наймааг ч мөн будилаантуулдаг нь ил болсон. Өөрийн нэр дээр хэд хэдэн компани үүсгэж Дархан хотын "А” зэрэглэлийн газруудад 10 гаруй газар өмчилж цааш нь наймаалдаг гэдэг нь нэлээдгүй олон баримтаар нотлогдов. Мөн эхнэр Г.Хонголзулын нэр дээр ч газар эзэмшиж газрын наймаагаа гэр бүлийнхээ хүрээнд ч оруулжээ. Энгийн иргэд 0.07 га газар авах гэж нэлээдгүй ажил болж авч байхад нэр бүхий эрхэм маань төвөггүйхэн нэлээдгүй хэдэн газрыг эхнэрийнхээ хамт эзэмшиж байх. Аймгийн засаг дарга гэх энэ хүнд ёс зүйн маш том алдаа байгаа нь харагдаж байна.

Эх сурвалж: Шуурхай.мн У.Ганбаяр