"Boko Haram" бүлгийн босогчдын хөнөөсөн хүмүүсийн дунд Их сургуулийн геологичид байжээ. Нигери улсын зүүн хойд хэсэгт газрын тосны хайгуул хийж байсан экспедицийн геологичдыг "Boko Haram" радикал бүлгийнхэн дайрснаас 50 гаруй хүн амь үрэгдсэн байна. Энэ тухай "AFP" агентлаг мэдээллээ.

Өмнө нь, зэвсэгт хүчний төлөөлөгч есөн цэрэг болон нэг энгийн хувцастай хүн амь үрэгдсэн гэж мэдээлсэн байна. Майдугури их сургуулийн төлөөлөгчид эрдэмтдийн бүлгийн наад зах нь таван гишүүн хохирогчдын дунд байгаа болохыг баталсан аж.

Их сургуулийн хэвлэлийн төлөөлөгчийн хэлснээр, их сургуулийн ажилтан хоёр, жолооч нь нас баржээ. Тус байгууллагын дахиад дөрвөн ажилтны хувь заяа тодорхойгүй хэвээр байна. Нигерийн National Petroleum Corporation-ы захиалгаар их дээд сургуулийн геологичид Чад нуурын нутаг дэвсгэрт газрын тосны хайгуул хийж байсан байна.

"Boko Haram" нь Нигер, Камерун, Чад улсуудад байнга террорист халдлага үйлдсээр байгаа юм..

М.Баяр