2018/03/30 13:55
1006 
Дэлхийн 37-н оронтой хамтран ажилладаг Гүүд нэйборс Олон Улсын ТББ нь байгуулагдаад 27-н жил болж байгаа ажээ. Тус байгууллага нь хүмүүнлэгийн чиглэлээр үйл ажиллагаа явуулдаг бөгөөд Монгол улстай 12 дахь жилдээ хамтран ажиллаж хүүхэд залуус руу чиглэсэн ажлыг явуулж байна. Энэхүү байгууллага нь хөдөө орон нутгаас анх удаа Дархан-Уул аймгийг сонгож хамтран ажиллах гэрээг өнөөдөр /2018.03.29/ аймгийн Засаг даргын тамгын газрын хүндэтгэлийн танхимд үзэглэлээ. Ингэснээр тус гэрээний хүрээнд Дархан сумын 5, 6, 15-р багт Хүүхэд ивээн тэтгэх хөтөлбөр /ХИТХ/-т суурилан явагдах "Мангирт”орон нутгийн хөгжлийн урт хугацааны төсөл, хөтөлбөр хэрэгжих юм. Төсөл, хөтөлбөр хэрэгжсэнээр өрхийн орлого нэмэгдэж, хүүхэд хамгааллын асуудал сайжирч, боловсролын хүртээмж нэмэгдэж, эрүүл, сайн сайхан амьдрах нөхцөлөөр хангагдах, баталгаат ундны ус, сайжруулсан ариун цэврийн байгууламжаар тогтвортой хангагдаж, орчны эрүүл ахуйн нөхцөл сайжирч, иргэдэд үр шимээ өгсөн үр дүнтэй ажил болно гэж талууд үзэж байгаа ажээ. Дашрамд сонирхуулахад Дархан-Уул аймаг нь 104 мянга гаруй хүн амтай бөгөөд үүний 62,5 хувийг хүүхэд залуучууд эзэлдэг байна.
Шинэ мэдээ
Их уншсан
Сэтгэгдэл
