Ливийн нийслэл Триполи хотоос баруун тийш 120 гаруй километр зайд оршдог, эргийн Зувара хотын орчимд тус улсын тэнгисийн цэргийн хүчин аврах ажиллагаа явуулж, хууль бус 116 цагаач иргэнийг аварсан тухай тус цэргийн хүчний хэвлэлийн албаны төлөөлөгч Аёб Кассем мягмар гарагт мэдээлэв.

Уг аврах ажиллагааг эргийн хамгаалалтын алба болон газрын тос тээвэрлэгч усан онгоцтой хамтран явуулсан байна. "Баруун эрэгт явуулсан олон ажиллагаагаар хууль бус 235 цагаачийг аварсан” гэж тэнгисийн цэргийн хүчнээс даваа гарагт мэдэгдээд байсан ажээ.

Хууль бус цагаачдын хувьд Газрын дундад тэнгисийг хөндлөн туулж, Европ тив рүү нэвтрэх гол зам нь Ливи улс болдог байна. Түүнчлэн цаг уурын таатай нөхцөл нь Ливиэс Европыг зорих цагаачдын тоог нэмэгдэхэд ихээхэн нөлөөлдөг бөгөөд тэднийг тээвэрлэсэн завь тус улсын баруун эргээс ихэвчлэн хөдөлдөг байна.