Хятадын Гуанжоу хотын нэгэн хувийн эмнэлэгт 3 настай Жиажиагийн ээж Жан Вэй хүүхдээ эмчлүүлэхээр ханджээ. 3 настай Жиажиа Аутизм буюу бусдаас өөрийгөө тусгаарлах өвчтэй байжээ. Эмч нар хүүхдийг нь эмчлэх боломжтой бидэнд үлдээгээд явж болно гэдэг хариултыг өгчээ. Харамсалтай 4 сарын 26 ны өдөр эмнэлэгээс хүүхэд чинь эмчилгээний явцад нас барчихлаа. Ирээд ав хэмээн утсаар хэлжээ.

Жан Вэй цогцос хадгалах газраас хүүхдийнхээ цогцосыг танин авч явсан байна. Дараа өдөр нь WeChat-аар эмнэлэгийн байгууллагууд Аутизм өвчтэй хүүхдүүдийг эмчлэхдээ урьд нь сонсогдож байгаагүй эргэлзээтэй эмчилгээний арга барил ашиглаж байгаа тухай баримтыг олж уншжээ.

Тус баримтыг олж уншсан Жан Вэй хувийн мөрдлөг явуулахаар болжээ. Хувийн мөрдлөгөөр хүүхдийг нь хэрхэн эмчилж байсныг олж мэдэн нийгмийн сүлжээ сайтаар тараасан байна.

Хүүхдийг нь эмчлэхдээ: Өглөө нь хүнд хувцас өмсгөн 10км газар явган явуулж өдөр нь хоол өгч орой нь 9 км газар явган явуулж байжээ.

Эмч нар тайлбарлахдаа: Энэ төрлийн цэргийн бэлтгэл шиг эмчилгээг залхуу хүүхдүүдэд ашигладаг. Аутизм бол залхуу хүүхдүүдтэй холбоотой гэж ээ. Мөн зожиг хүүхдийг сэргэг байхад нь туслах хамгийн хүртээмжтэй эмчилгээ бол өдөрт 10-аас 20 км газар алхаж биеийн тамираар хичээллэж дасгал хөдөлгөөн хийлгүүлэх явдал гэсэн байна.